嚟左密Spa三次，今次嘅體驗係最差嘅 第一次嚟嘅時候，因為按摩技師好似比較年輕，兩個一直喺度傾偈……而且按到我非常痛(自己都係一個幾鍾意按摩嘅人，亦都相對比較受力，唔知係佢嘅按摩手法比較特別定係真係我咁啱身體有啲咩狀況所以會咁痛)。。。但係嗰一次嘅體驗就真係唔係幾好……不過大堂按腳非常舒服 第二次嚟，因為撞正一個好嘅技師，所以房間同大堂都好舒服，加上呢度價格都不貴，所以整體感覺非常良好。。。。然後決定咗第三次要帶屋企隻肥仔過嚟疏肝一下 點知道第三次過到嚟，過程真係未如理想 首先，因為同肥仔嚟嘅時候係星期六，星期六兩個人不能夠有房間過夜，只可以瞓太空艙(但係呢樣嘢就冇得強求嘅，因為都明白繁忙時段，人哋都要做生意) 不過，佢哋嘅reception當晚企咗個經理，佢嘅說話表達方式就令人覺得唔多舒服，我覺得裝修得咁靚，佢哋喺訓練員工同客人交流做得唔夠同類型嘅店舖好。。。但係，不完美可接受 然後喺安排入按摩房，同埋安排太空艙嘅程序都做得唔錯嘅……令到我覺得唔舒服嘅係，我哋安排咗太空艙之後覺得有啲肚餓就諗住落餐廳食嘢……餐廳同埋隔離豆豆梳化休息區嘅枱面都有二維碼可以點餐。。。咁我覺得既然有二維碼點餐，我亦只不過係想嗌一個炒公仔麵好簡單，就唔好麻煩到職員埋嚟點餐啦，因為都知道當晚佢哋好忙……點知我用二維碼點餐之後隔咗半個鐘頭都未有嘢食，咁我就諗係咪真係忙成咁呢？……然之後就行出去諗住問一問。。。 點不知一個頭髮少少長長哋，貌似20歲左右嘅男職員同我講，你邊張枱，然後講一堆我聽唔明嘅普通話……跟住我同佢解釋返，我自己用二維碼點餐，但係未到……而且點餐入邊冇叫我輸入手牌號碼，係咪其實冇點到……然後佢冇解答我，又用好難聽嘅普通話同我講:「我知道啊，佢哋入邊唔識睇㗎」類似係咁樣。。。。。其實我自問自己普通話唔係太差，我又將我問題表達清楚，淨係想問吓到底我個餐有冇點到，但係佢冇解釋得好清楚，而且態度非常不耐煩好惡劣，叫我坐返埋位先。。。其實當時已經好肚餓，諗住食完嘢就要瞓覺㗎啦。。。。再等多大概5分鐘左右，見到佢又再招呼完另外一台客，先至拎個餐牌過嚟問我要啲乜，原來我二維碼點餐嗰度係廢嘅，係冇嗌到嘢食嘅……咁我唔明點解佢哋要整一個二維碼點餐喺枱上邊？ 最後想講一講佢哋個太空艙，太空艙嘅床墊好舒適，環境亦都夠昏暗……我哋排太空艙嘅時候入邊冷氣都係夠嘅(可惜到我哋食完嘢想去瞓覺嘅時候啲冷氣變得非常不充足，而且仲有蚊飛來飛去!我塊面同埋我肥仔個額頭都被蚊釘)。。。。然後可能因為假期人多，我哋被安排瞓喺廁所嗰道門隔離，佢嗰道門應該係裝得唔好下墜咗，每一次有人開門都勁大聲，瞓着咗都被聲響嚇醒!所以冇辦法只能夠帶耳塞瞓覺，奈何耳塞嘅隔音程度亦都唔高🥲🥲🥲不過瞓着咗之後還好，可能因為啲人都瞓得好腍，冇乜人再去廁所……所以都冇被開門聲再嘈醒。。。。但係因為空調佢哋變得唔係好充足，我自己中途醒咗兩三次係熱醒嘅(不過空調呢樣嘢，你覺得熱啫，有其他人會覺得凍……所以熱醒咗就只能自己默默地在嘗試瞓覺，亦都冇任何意欲出去同服務員講) 但係最不滿就係瞓醒之後……我哋嗰兩對拖鞋俾人收走咗，然後我行出去同服務員講……佢一句唔好意思都冇，亦都同我表示最底層沖涼嗰度有拖鞋可以拎(當時我哋太空艙係位置於3樓)!!然後我就同佢講，咁你係咪應該搵人拎兩對拖鞋上嚟？佢先至識得叫人拎上嚟。然後拎咗上嚟嘅拖鞋非常細對對，我個肥仔都唔啱着突晒腳。 其實拎走咗對拖鞋都唔係乜嘢大件事，不過我覺得你哋咁樣收走咗客人嘅拖鞋，其實唔好意思都應該講一句🙁🙁🙁跟住諗住同肥仔嗱嗱聲落大堂按埋對腳就走人……但係基於嗌炒公仔麵事件，同埋瞓醒冇拖鞋事件，條氣其實都唔係幾順……所以去到2樓，見到一個着衫睇起上嚟係比較高級嘅攣頭髮姨姨，我又走去同佢講係太空艙度冇咗對拖鞋……跟住佢就問我咁而家有未？我話有啦我叫服務員拎咗上嚟!不過好細對。。。跟住佢又係同我講樓下浴室嗰度有……然後叫我哋落去換過一對，中途又係一句唔好意思都冇。。。佢仲同我講，佢哋嘅員工唔會隨便收走客人嘅拖鞋，因為知道客人會着返自己嘅拖鞋離開，如果拖鞋仲喺度即係代表客人未離開。。。。。佢話係其他客人着走咗我哋嘅拖鞋!咁我又想問，係乜嘢客人自己會冇拖鞋而要着其他人嘅拖鞋走呢？「注意:佢哋嘅太空艙只會比女賓入去瞓覺，唔會入男賓。」然後攣頭髮嘅姨姨同我講。佢話應該係其他客人按摩之後赤腳由2樓上咗3樓瞓覺，然後着走咗我哋嘅拖鞋。🙄🙄佢點話點好，我只能打從心底反白眼。 环境：係唔錯嘅，靚嘅!除咗太空艙有好多蚊飛來飛去，其他都好好 服务：我覺得同香港冇乜分別。望起上嚟覺得係一個好友服務嘅地方，實質感受唔到有啲咩服務 技师：除咗第一次去嘅時候房間嗰個技師真係唔係幾好之外，其餘幾次無論房間同埋大堂技師都verygood!尤其是大堂按腳嘅係返大陸揼骨咁多次數一數二正!